主頁 » 靈修 » [讀者來函]驢仔小記: 告解之嘛!

[讀者來函]驢仔小記: 告解之嘛!

以下是讀者「驢仔」看到一個網站後的分享。

_______________________________________________________

又到星期一返工嘅日子,成個「阿愁」搭地鐵返工。驢仔同好多香港人一樣,鍾意喺搭車嘅途中做下低頭族,咁啱睇到一篇有關琴日嘅福音講道,又覺得幾好,所以就同大家分享一下喇!

呢篇文本身就係英文,咁驢仔獻醜、試下簡單譯一譯喇~

有一位神父建議一位教友去辦告解,這位教友說自己沒有罪「因為我無殺任何人」。然後神父便回答「我的朋友,不只是殺人犯才需要去辦告解。外邊仍然有撒謊者、八卦者、撒播流言者,還有好色的、懶惰的、自負的、驕傲的、壞脾氣的、貪吃的、輕率魯莽的、不誠實的、不行仁愛的……」

話口未完,那名教友便說「停!神父,夠了夠了。請神父祝福.我是一個罪人………」

修和聖事是耶穌親自赦免我們的罪,咁你今個四旬期搵佢赦咗未?(網上圖片)

修和聖事是耶穌親自赦免我們的罪,咁你今個四旬期搵佢赦咗未?(網上圖片)

每個人都會犯罪,因此每個人都需要悔改。另一名神父在街上看到堂區一名教友,並提點他需要定期(隔時候)便需要辦告解。那名教友說,「但神父,我沒有任何罪啊!」神父之後回答,說:「只有兩種人才沒有罪的,小朋友瘋子。你是哪一種人?」

驢仔睇到呢度已經唔覺意笑咗,曾幾何時自己年輕嘅時候都會諗過「車,我都無乜犯罪,我十誡守得好好個喎,咁我告解講乜好啊?」但其實,那些年嘅自己真係無知到喊!我哋其實喺每日嘅生活入面,同天主嘅關係一疏遠咗、又或者係唔再覺得對信仰有股熱誠嘅時候,甚至喺平日堂區成日批評人哋或者神父壞話嘅時候,就已經值得去做個反省、省察,咁就已經會知道喺告解入面講乜,同埋會真正同到天主講「我得罪了天,我得罪了你」。

告解之嘛,咪即係重返天主嘅懷抱之嘛。(網上圖片)

告解之嘛,咪即係重返天主嘅懷抱之嘛。(網上圖片)

呢篇嘅文章最後一段亦都有個好好嘅提醒:

要踏上皈依的第一步,就是要我們先承認我們自己的罪。天主,在祂的慈悲,時常準備好寬恕我們的罪,但祂需要在我們內裡有一顆認罪的心。有如聖奧斯定說:「你指責自己,天主會免你的罪。若你先免自己的罪,天主會指責你。」但有很多時候,就算那人是位神父,我們也覺得很難在另一個人面前承認自己的罪。

所以呢,其實我哋真係需要多祈禱,特別向聖母媽媽幫幫忙,去問天主攞多啲恩寵同勇氣去發現自己嘅罪過,好多時係我哋自己懶唔去問唔去做之嘛。

 

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s