劉偉傑神父

以下是澳門教區劉偉傑神父在禮儀研討會 Sacra Liturgia 2016 中的其中兩台彌撒擔任執事職時的相片。

昨日提到香港開教175年，教區成立70周年。原來早前也是香港特倫多團體的15周年。

筆者在假期時隨處上網看看各地的聖誕禮儀，在 New Liturgical Movement 發現了一個熟悉的面孔：

早前 報道過，澳門聖若瑟修院舉行了一次傳統羅馬禮彌撒。澳門教區社會傳播中心最近便將9月5日該次傳統羅馬禮彌撒的足本錄像上載。

澳門即將舉行特敬聖母的頌唱彌撒。

澳門教區劉偉傑神父慷慨地讓我們轉載他面書的一篇講道詞。 筆者一直十分敬佩劉鐸，他學富五車，字字珠璣，利用靈巧的粵語將天主的道理講得活靈活現。以下是劉神父在 2015年7月3日澳門粵華中學中的講道詞。筆者所加的 重點 及[註釋及少少反省] 粵華中學鮑思高瞻禮 舊陣時啲讀書人呢，總係鍾意寫下啲雋言雅語，而有篇叫「警世賢文」既著作呢，收集左好多教人勤奮上進，鞭策自強之類咁既詩句。咩野「少時不努力，老大徒傷悲」呀，「書到用時方恨少」呀，咩野咩野「學海無涯」等等，係啲你同我歷代莘莘學子，左耳入右耳出，可以直頭話係水過鴨背既經典名句，亦都係呢，歷代老師家長，不厭其煩，想將佢地，由右耳塞返入我地左耳，好似塞北京填鴨，或者係餵法國鵝肝醬咁款，想灌輸番俾我地既呢啲古老格言。成效有幾大，多多小小都睇自己做化，生唔生性，同埋，根本唔係個個胸口有咁多墨水加嘛；天主造人，百花齊放，有啲係文青，書卷氣濃啲；另一啲係工青，鋼水灰水味又重啲，總之各適其適， 行行都出文狀元，武狀元，所以舊時什麼「萬般皆下品，唯有讀書高」啲咁既尊優祟優既心態呢，都咪話埋沒左唔少才華洋溢既細路。不過，過猶不及， 書總要讀，字緊要識，否則既話，人文素養，溝通會意，傳統智慧，都無法子培養傳授落去。因此，普及教育，杜絕失學，係天大既使命，責無旁貸。