主頁 » 家庭 » 煮婦唔易做 (一)

煮婦唔易做 (一)

image

快農曆新年了,又是忙著宴客或招呼朋友的季節。回想兩年前,新婚新居,當然有一大班朋友輪候探訪。自己的朋友,外子的朋友,共同的親友。。。作為主人,梗要做點準備宴客,確保寒舍雖小,但要乾淨整齊,可以的話,吃的還是要準備,雖是家庭菜,但也要得體,才吃得高興滿意吧!

記得自己起初的經驗是這樣的(也是從前在娘家見到媽媽的情況):
宴客前一星期:

  • 計劃餐單 (想想煮什麼)
  • 確認人數 (計劃煮多少)
  • 再確認餐 (剔除某些客人不喜歡的或加入喜歡的食材)
  • 再確訂人數 (以防太多或不夠吃,又或是突然有不速之客加入)
  • 買餸 (搬吖搬吖,通常要分數天買才能買齊材料)
  • 整理雪櫃 (有機會唔夠位置放食材)

宴客前兩天:

  • 重覆以上要點
  • 可能已經開始洗洗,切切,拌拌
  • 再要收拾屋企,打掃,清潔
  • 準備餐前飲品小食 (免得宴客當天一頭煙時,也無暇照顧客人,先用食物招呼吧=P)
  • 有時間還得會插瓶新花兒 (其實是借用祈禱角用來敬禮聖母的花花)

宴客當天:

  • 繼續準備 (通常如晚上七點半食,最遲中午後已在廚房忙個不停)
  • 洗切煮,又要諗下先後次序 (位置有限,又要動動腦筋)
  • 客人逐漸來到 (自己通常出廳打個招呼後,便繼續在廚房閉關)
  • 外子招呼客人,或客人自娛中 (談天+開酒+研究下大小遊戲咭)
  • 不斷煮呀煮 ,又怕最先煮好的,上菜時已涼(只能開兩個爐火+小焗爐+電飯煲)
  • 失預算,未能準時完成齊齊開飯
  • 把已完成的菜放出來,請客人們+外子先開始吃 (自己繼續趕工+先清潔一部分碗碟)
  • 客人已開始吃了一段時間,一頭煙出來陪友人們吃 (其實已很累,沒有太大的胃口)
  • 外子幫忙收拾,自己和友人們談天 (通常已經很晚,他們要回家了><)

過了幾次,外子認真地要與我對話:
(利申:已忘記細節,大約意思節錄,不要找我算帳喔! XDD)

他:其實下次不如買外賣又或者出街食?
我:點解?
他:我唔想你太辛苦啫。
我:唔洗啦,我OK吖!
他:但係你掛住煮咪招呼唔到客人囉。
我:咁你招呼住先咪得囉。
他:但係你係女主人唔係廚師吖嘛。
我:咁即係點? (開始燥底,心想:我咁辛苦煮飯你竟然唔欣賞仲覺得我做得唔夠……)
他:不如下次叫外賣或出街食?!
我:你係唔係覺得我做得唔好,無招呼到客人,招呼不周先?!
他:我都係唔想你辛苦啫。
我:你係唔係覺得我失禮你先?!(心想,又要宴客又要靚靚,你當我真係闊太咩!)
他:我都係想你多點時間同朋友仔玩,難得一聚,你全日只在廚房,浪費了一齊玩的機會。
我:講到尾你都係嫌我做都唔夠好啫?!
(嬲到爆炸吖!!!!不被欣賞唔緊要,仲要被嫌棄 To T,完全漠視我的努力!!)
他:我都係唔想你辛苦啫。
我:……(無言+傷心+淚) (仲要無氹番我!!! 因為外子很有"原則",倘若他不覺自己有做錯,真的真心不會 “認錯",只會說:我都係講事實啫 =.=")

靜下來想想,也想起在婚禮中自己感言中的聖經金句:

「乾餅一張而平安共食,勝於滿屋佳餚而互相爭吵。」(箴17:1)

作為現代女性,點可以被人這樣埋怨? (心想:我要爭氣,我要再努力。又要靚,又要宴客,又要可以招呼客人……(要電話亭變身超人嗎?))
家庭和睦真的很重要,如果咁努力同辛苦都係希望大家開心高興,但卻正正因為這樣的努力而爭吵,咁真係食餅算啦。 (我也怕被外子嫌棄另娶……)
是時候動動腦筋想辦法改變! (待續)

你的宴客或朋友到訪的經驗又怎樣?歡迎分享吖!

2 thoughts on “煮婦唔易做 (一)

  1. 引用通告: 守齋煮意:暖笠笠海鮮牛奶湯 | 樂山樂水

  2. 引用通告: 煮婦唔易做 (二) | 樂山樂水

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s